تہران(نیوزڈیسک) ایرانی میڈیا کے مطابق ایران نے افغانستان کی سرحد کے قریب سے 3 اسرائیلی جاسوسوں کو گرفتار کرلیا ہے جو ایران کے مشرقی حصے میں ڈرون حملہ کرنے کی تیاری کررہے تھے.
ذرائع کے مطابق ایران کی انٹیلیجنس منسٹری نے افغان حکومت کے تعاون سے اسرائیلی جاسوسوں کو گرفتارکیا۔ایرانی حکام کے مطابق اسرائیل کی خفیہ ایجنسی ’موساد‘ کے تینوں جاسوسوں کے پاس ایرانی شہریت تھی۔ ان جاسوسوں کو ایران اور افغانستان کے درمیان واقع پہاڑی علاقے سے گرفتار کیا گیا۔ایرانی حکام کا کہنا ہے کہ گرفتار اسرائیلی جاسوسوں کو جلد طالبان حکومت کے حوالے کر دیں گے.
