کراچی سے لاپتہ صنعتکار ذوالفقار احمد لاہور میں اپنے گھر پہنچ گئے
اردو انٹرنیشنل (مانیٹرنگ ڈیسک) کراچی سے پانچ روز قبل اغوا کیے گئے مقامی معروف صنعتکار ذوالفقار احمد اپنے گھر پہنچ گئے۔
ذرائع کے مطابق پراچہ ٹیکسٹائل ملز اور میزان گروپ کے منیجنگ ڈائریکٹر ذوالفقار احمد منگل کے روز لاہور میں اپنے گھر پہنچ گئے۔
ڈپٹی انسپکٹر جنرل (ڈی آئی جی) جنوبی کراچی اسد رضا نے بھی ذوالفقاراحمدکے اہل خانہ سے رابطے کی تصدیق کی تھی اور کہا تھا کہ فیملی سے بات ہوئی ہے، انہوں نے ذوالفقار احمد سے رابطےکی تصدیق کی ہے۔
اس سے قبل ذوالفقار احمد کے وکیل علی اشفاق نے جیو نیوز سے گفتگو کرتے ہوئے کہا تھا کہ منگل کو اغوا کیا گیا اور بدھ کو پولیس سے رابطہ کیا گیا لیکن ابتدائی طور پر پولیس تعاون کے لیے تیار نہ تھی۔
یاد رہے کہ ذوالفقار احمد کو 23 جولائی کو ماڑی پور روڈ سے نامعلوم افراد زبردستی لے گئے تھے، ان کے اغوا کا مقدمہ 26 جولائی کو کلری تھانے میں درج کیا گیا تھا۔
