میوزک کنسرٹ کے دوران غصے میں مداحوں پر مائک پھینکنے کا واقعہ،بلال سعید کا موقف سامنے آگیا
اردو انٹرنیشنل (مانیٹرنگ ڈیسک) میوزک کنسرٹ کے دوران غصے میں مداحوں کی جانب مائیک پھینکنے کے واقعے اور پھر سوشل میڈیا پر صارفین کی تنقید کے بعد گلوکار بلال سعید کا ردعمل سامنے آگیا۔
سوشل میڈیا پلیٹ فارم انسٹاگرام اسٹوری کے ذریعے بلال سعید نے ردعمل دیتے ہوئے لکھا کہ وہ کنسرٹ کے دوران اسٹیج میں کھڑے ہوکر پرفارم کرتے ہوئے میں ہمیشہ اپنے آپ کو مکمل اور زندہ محسوس کرتے ہیں اور یہی ان کی پوری دنیا ہے۔
گلوکار نے لکھا کہ پرفارم کرتے ہوئے وہ اپنی پریشانیاں اور بیماری سب بھول جاتے ہیں اور مداحوں کے لیے پرفارم کرتے ہوئے سب کچھ پیچھے چھوڑ دیتے ہیں۔
گلوکار نے غصے سے مائیک پھینکنے پر بات کرتے ہوئے کہا کہ وہ اپنے مداحوں سے پیار کرتے ہیں، یہ پہلی بار نہیں ہے کہ اتنے زیادہ لوگوں میں کسی نے اُن کیساتھ بدتمیزی کی ہو لیکن یقینی طور پر ان کا کسی بدتمیزی پر غلط ردعمل پہلی بار ہے۔
گلوکار بلال سعید نے آخر میں لکھا کہ انہیں اسٹیج نہیں چھوڑنا چاہیے تھا۔اس دوران گلوکار نے اپنے رویے پر کسی قسم کی کوئی معذرت نہیں کی۔
