وفاقی کابینہ نے ایف بی آر کی تنظیم نو اور ڈیجیٹلائزیشن کی منظوری دے دی
اردو انٹرنیشنل (مانیٹرنگ ڈیسک) وفاقی کابینہ کے اجلاس میں فیڈرل بورڈ آف ریونیو (ایف بی آر) کی تنظیم نو اور ڈیجیٹلائزیشن کی منظوری دے دی گئی ہے۔
ذرائع کے مطابق کابینہ اجلاس کی صدارت نگران وزیراعظم انوار الحق کاکڑ نے کی، اجلاس میں فیصلہ کیا گیا کہ ایف بی آر کو پالیسی اور آپریشن کے 2 حصوں میں تقسیم کیا جائے گا اور وفاقی ٹیکس پالیسی بورڈ تشکیل دیا جائے گا۔
مزید یہ کہ تنظیم نو میں کسٹمز اور ان لینڈ ریونیو کے ادارے الگ الگ ہوں گے، دونوں شعبوں کے الگ الگ ڈائریکٹر جنرلز ہوں گے اور کسٹمز اور ان لینڈ ریونیو کے بورڈ بھی الگ الگ ہوں گے۔
اجلاس میں فیصلہ کیا گیا ہے کہ فیڈرل بورڈ آف ریونیو میں اصلاحات کے لیے قانون سازی آئندہ پارلیمان کرے گی۔
