پاکستان کے ساتھ وقت ضائع نہ کریں واپس آ کر بھارت کی کوچنگ کریں،ہربھجن سنگھ کا گیری کرسٹن کو مشورہ
اردو انٹرنیشنل (اسپورٹس ڈیسک) تفصیلات کے مطابق سابق ہندوستانی اسپنر ہربھجن سنگھ نے مردوں کی ٹیم کے ہیڈ کوچ گیری کرسٹن سے کہا ہے کہ وہ پاکستان کے ساتھ وقت ضائع نہ کریں اور انہیں مشورہ دیا کہ وہ واپس آکر مین ان بلیو کی کوچنگ کریں۔
کرسٹن کو اپریل میں ہیڈ کوچ مقرر کیا گیا تھا اور وہ دورہ انگلینڈ کے ساتھ ساتھ ٹی ٹوئنٹی ورلڈ کپ 2024 میں ٹیم کا حصہ تھے جہاں پاکستان سپر 8 سے پہلے ہی ناک آؤٹ ہو گیا تھا۔
ایکس (سابقہ ٹویٹر) پر اپنی پوسٹ میں ہربھجن نے کہا کہ کرسٹن ایک نایاب اور خاص آدمی ہیں۔
وہاں (پاکستان کے ساتھ) گیری اپنا وقت ضائع نہ کریں ٹیم انڈیا کی کوچنگ کے لیے واپس آئیں انہوں نے سابق جنوبی افریقی بلے باز کے لیے لکھا جن کی قیادت میں ہندوستان نے 2011 کا ون ڈے ورلڈ کپ جیتا تھا۔
انہوں نے مزید کہا کہ ہماری 2011 کی تمام ٹیم کا ایک عظیم کوچ، سرپرست، ایماندار اور بہت پیارا دوست۔
واضح رہے کہ کرسٹن نے کہا ہے کہ صرف وہی کھلاڑی آگے بڑھنے والی پاکستانی ٹیم کا حصہ ہوں گے جو اتحاد کو اہمیت دیتے ہیں فٹنس پر توجہ دیتے ہیں اور اپنی مہارت کو بہتر بناتے ہیں۔
ذرائع کے مطابق کرسٹن نے جاری ٹی ٹوئنٹی ورلڈ کپ 2024 سے باہر ہونے کے بعد پاکستانی ٹیم کے ساتھ کھل کر بات کرتے ہوئے کہا کہ کھلاڑیوں کا فٹنس لیول درست نہیں ہے۔
