ڈائمنڈ لیگ: پیرس اولمپکس میں مایوسی کے بعد انگبریگٹسن کی اولمپک چیمپئن کول ہاکر کو شکست

اردو انٹرنیشنل اسپورٹس ویب ڈیسک تفصیلات کے مطابق لوزان میں ڈائمنڈ لیگ کے اجلاس میں ناروے کے ایک رنر جیکب انگبریگٹسن نے شاندار کارکردگی کا مظاہرہ کرتے ہوئے 1500 میٹر کی دوڑ جیت لی۔ اس نے امریکہ سے تعلق رکھنے والے اولمپک چیمپئن کول ہاکر کو شکست دی جو دوسرے نمبر پر رہے۔ 2024 کے پیرس اولمپکس میں توقع کے مطابق کارکردگی کا مظاہرہ نہ کرنے کے بعد یہ فتح انگبرگزٹسن کی واپسی تھی، کیونکہ اولمپکس میں وہ کوئی بھی میڈل جیتنے میں ناکام رہے تھے اور چوتھے نمبر پر رہے تھے ۔ جبکہ اسی اولمپک دوڑ میں، ہاکر نے طلائی تمغہ جیتا تھا، جس میں دو دیگر رنرز بھی انگبرگزٹسن سے آگے تھے۔

لوزان میں، انگبریگٹسن نے 3 منٹ اور 27.83 سیکنڈ میں ریس مکمل کی، جب کہ ہاکر نے 3 منٹ اور 29.85 سیکنڈ میں ریس مکمل کی۔ ایک اور امریکی رنر ہابز کیسلر تیسرے نمبر پر رہے۔ انگبرگزٹسن نے کہا کہ چونکہ پیرس اولمپکس کو تقریباً دو ہفتے ہو چکے ہیں، اس لیے ان کے پاس آرام کرنے اور صحت یاب ہونے کے لیے کافی وقت ہے اور وہ اپنی کارکردگی سے خوش ہیں۔ انہوں نے کہا کہ وہ باقی سیزن میں بہتری کے لیے تیار ہیں۔