پاکستان کرکٹ بورڈ کی مینجمنٹ کمیٹی کے ممبر نے چیئرمین پی سی بی ذکا اشرف کے خلاف اختیارات کے ناجائز استعمال اور سنگین غلط کاریوں سمیت الزامات لگا دیے.
ذرائع کے مطابق پی سی بی مینجمنٹ کمیٹی کے ممبر ذوالفقار ملک نے ذکا اشرف کے خلاف مینجمنٹ کمیٹی کو ایک میل لکھی ہے جس کی کاپیاں پی سی بی کے پیٹرن ان چیف وزیراعظم پاکستان اور وزارت بین الصوبائی رابطہ کو بھی بھیج دی گئی ہیں۔
چیئرمین پی سی بی کے خلاف بھیجی گئی ای میل میں لکھا گیا ہے کہ
ذکا اشرف بورڈ کے روز مرہ کے معاملات کو چلانے کے اپنے مقررہ قانونی تقاضے پورے کرنے میں ناکام رہے۔
ذکا اشرف نے وزارت بین الصوبائی رابطے کے احکامات کو نظر انداز کرتے ہوئے بورڈ کے انتخابات نہیں کروائے جس کے تحت بورڈ کے مستقل چیئرمین کا انتخاب ہونا تھا۔
ذکا اشرف نےابھی تک اپنے سرٹیفکیٹس بھی فراہم نہیں کیے جو چیئرمین پی سی بی کے لیے لازمی ہیں۔
ذکا اشرف کے بیٹے چوہدری محمد خان کو بورڈ کے معاملات میں غیر قانونی مداخلت کرتے ہیں۔
ذکا اشرف نے پی سی بی الیکشن کمشنر آفس کا اپنے مخالفین کے خلاف غلط استعمال کرتے ہوئے ریجنز کے بوگس انتخابات کروائے۔
