بنڈس لیگا: بائر لیورکوزن کی بوروسیا ڈورٹمنڈ کو 3-2 سے شکست

اردو انٹرنیشنل (اسپورٹس ویب ڈیسک) تفصیلات کے مطابق بائر لیورکوسن نے بنڈس لیگا میں شاندار کارکردگی کا مظاہرہ کرتے ہوئے بوروسیا ڈورٹمنڈ کو شکست دی اور ٹیبل لیڈر بائرن میونخ سے صرف ایک پوائنٹ کے فرق سے دوسرے نمبر پر آگیا۔

ڈورٹمنڈ، جو اس سیزن میں اپنے ہوم گراؤنڈ پر ناقابل شکست رہا تھا، لیورکوزن کی جارحانہ شروعات کے سامنے بے بس نظر آیا۔ میچ کے آغاز میں ہی، نیتھن ٹیلا نے محض 24 سیکنڈ کے اندر شاندار ہاف والی کے ذریعے پہلا گول کر دیا۔ اس کے سات منٹ بعد، پیٹرک شِک نے پیرو ہنکاپی کے کراس پر ایک اور گول کر کے لیورکوزن کی برتری کو دگنا کر دیا۔

ڈورٹمنڈ کی جانب سے، جیمی گیٹنز نے لیورکوسزن کی دفاعی غلطی کا فائدہ اٹھا کر 11ویں منٹ میں ایک گول اسکور کیا اور ڈورٹمنڈ کے لیے امید کی کرن روشن کی۔ لیکن لیورکوزن نے جلد ہی اپنی برتری بحال کر لی۔ پیٹرک شِک نے اپنا دوسرا گول کرتے ہوئے ٹیم کو دوبارہ دو گول کی برتری دلائی۔

میچ کے آخری لمحات میں، ویڈیو اسسٹنٹ ریفری (وی اے آر) کے فیصلے کے تحت لیورکوزن کے ایڈمنڈ تاپسوبا کو فاؤل کرنے پر ڈورٹمنڈ کو پنالٹی دی گئی۔ سرہاؤ گیریسی نے اس پنالٹی کو گول میں تبدیل کر کے اسکور 3-2 کردیا، لیکن ڈورٹمنڈ مزید گول کرنے میں ناکام رہا۔

ڈورٹمنڈ نے میچ کے دوران گیند پر 70 فیصد سے زائد قبضہ برقرار رکھا اور زیادہ مواقع پیدا کیے، لیکن ان کی کوششیں بے سود رہیں اورمیچ کا اختتام لیورکوسن کی 3-2 کی برتری کے ساتھ ہوا۔

اس جیت کے بعد بائر لیورکوزن بنڈس لیگا ٹیبل میں بائرن میونخ سے صرف ایک پوائنٹ پیچھے آ گیا، حالانکہ انہوں نے ایک میچ زیادہ کھیلا ہے۔ دوسری جانب، بوروسیا ڈورٹمنڈ چھٹے نمبر پر ہے اور ٹاپ پوزیشن سے 11 پوائنٹس دور ہے، جس سے ان کی ٹائٹل کی امیدوں کو شدید دھچکا لگا ہے۔