فرانس کے ٹینس اسٹار بنجمن بونزی نے اے ٹی پی موزیل اوپن ٹینس ٹورنامنٹ جیت لیا

اردو انٹرنیشنل (اسپورٹس ویب ڈیسک) تفصیلات کے مطابق فرانس کے ٹینس اسٹار بنجمن بونزی نے اپنی عمدہ کھیل کے سلسلے کو برقرار رکھتے ہوئے اے ٹی پی موزیل اوپن ٹینس ٹورنامنٹ جیت لیا۔

فرانس کے ٹینس سٹار بنجمن بونزی نے مردوں کے سنگلز مقابلوں کے فائنل میچ میں 29 سالہ برطانوی حریف ٹینس سٹارکیمرون نوری کو شکست دے کر ٹائٹل اپنے نام کیا، اے ٹی پی موزیل اوپن ٹینس ٹورنامنٹ کا21واں ایڈیشن فرانس کے مشہور شہر میٹز میں کھیلا گیا۔

مردوں کے سنگلز مقابلوں کے فائنل میچ میں 28 سالہ میزبان ٹینس سٹار بنجمن بونزی نے شاندار کارکردگی کا مظاہرہ کرتے ہوئے 29 سالہ برطانوی حریف ٹینس سٹارکیمرون نوری کو ٹائی بریک پر سٹریٹ سیٹس میں 6-7(6-8)اور 4-6 سے شکست دے کر ٹورنامنٹ جیتا۔

یاد رہے بنجمن بونزی کے کیریئر کا یہ پہلا اے ٹی پی ٹائٹل ہے جو انہوں نے اپنے نام کیا۔