Bangladesh thanks Pakistan for decision not to play match against India-PCB
وزیراعظم شہباز شریف کی جانب سے بنگلادیش کے ساتھ اظہارِ یکجہتی کرتے ہوئے ٹی ٹوئنٹی ورلڈ کپ میں بھارت کے خلاف میچ نہ کھیلنے کے فیصلے پر بنگلادیش نے پاکستان کا شکریہ ادا کیا ہے۔
بنگلادیش کے اسپورٹس ایڈوائزر ڈاکٹر آصف نزرل نے اپنے بیان میں وزیراعظم کے کابینہ اجلاس سے خطاب کا حوالہ دیتے ہوئے کہا کہ پاکستان نے بنگلادیش کو ٹورنامنٹ سے باہر کیے جانے پر احتجاجاً بھارت کے خلاف میچ کے بائیکاٹ کا فیصلہ کیا، جو قابلِ تحسین ہے۔
وزیراعظم شہباز شریف نے کہا تھا کہ کھیل میں سیاست نہیں ہونی چاہیے اور پاکستان کو بنگلادیش کے ساتھ کھڑا ہونا چاہیے۔
یہ تنازعہ آئی پی ایل سے بنگلادیشی کرکٹر مستفیض الرحمان کے اخراج کے بعد شروع ہوا، جس کے بعد بنگلادیشی ٹیم نے سیکیورٹی خدشات کے باعث بھارت جانے سے انکار کرتے ہوئے اپنے میچ سری لنکا منتقل کرنے کی آئی سی سی سے درخواست کی۔
آئی سی سی نے مسئلے کے حل کے بجائے اسکاٹ لینڈ کو شامل کرلیا، جس پر پاکستان نے 15 فروری کو بھارت کے خلاف میچ میں شرکت نہ کرنے کا فیصلہ کیا۔
