بنگلہ دیش کے اہم بلے باز پاکستان ٹیسٹ سیریز سے باہر
اردوانٹرنیشنل(اسپورٹس ڈیسک) تفصیلات کے مطابق بنگلہ دیش کے بلے باز محمود الحسن جوئے پاکستان کے خلاف 21 اگست سے راولپنڈی میں شروع ہونے والی دو ٹیسٹ میچوں کی سیریز سے باہر ہو گئے ہیں۔
تئیس سالہ حسن بنگلہ دیش اے ٹیم کا حصہ تھے اور انہوں نے اسلام آباد میں پاکستان شاہینز کے خلاف چار روزہ میچ میں حصہ لیا تھا فیلڈنگ کے دوران انہیں کمر میں چوٹ آئی اور وہ دوسری اننگز میں بیٹنگ نہیں کر سکے۔
حسن نے شاہینز کے خلاف پہلی اننگز میں 65 رنز بنائے جبکہ ہائی پرفارمنس یونٹ کے چار روزہ میچوں میں انہوں نے 69 اور 65 رنز کی شراکت کی اور سیریز سے قبل اچھی حالت میں نظر آئے۔
بی سی بی کے چیف فزیشن دیباشیش چودھری نے کریک بز کو تصدیق کرتے ہوئے کہا کہ ہمیں محمود کے حوالے سے ایک میل موصول ہوا ہے جس میں کہا گیا ہے کہ ان کے دائیں کمر میں چوٹ آئی ہے اور اس کے نتیجے میں انہیں تین ہفتوں کے لیے آرام دیا جا رہا ہے۔
واضح رہے کہ پاکستان اور بنگلہ دیش کے درمیان ٹیسٹ میچز ورلڈ ٹیسٹ چیمپئن شپ 2023-25 کے حصے کے طور پر کھیلے جائیں گے.
