پاکستان انٹرنیشنل ایئرلائنز کی ایک اور خاتون میزبان کا کینیڈا میں لاپتا ہونے کا انکشاف
پاکستان انٹرنیشنل ایئرلائنز کی ایک اور خاتون میزبان کا کینیڈا میں لاپتا ہونے کا انکشاف
اردو انٹرنیشنل(مانیٹرنگ ڈیسک) تفصیلات کے مطابق پاکستان انٹرنیشنل ایئرلائنز (پی آئی اے) کی ایک اور خاتون فضائی میزبان مریم رضا کینیڈا میں غائب ہو گئی ہیں۔
مریم رضا نامی فضائی میزبان اسلام آباد سے ٹورنٹو کی پرواز نمبر پی کے 782 پر خدمات کیلئے تعینات تھیں. جو کینیڈا پہنچنے کے بعد مبینہ طور پر سلپ ہوگئیں.
مریم رضا کے لاپتہ ہونے کا معاملہ اس وقت سامنے آیا جب انہوں نے واپسی کی پرواز کیلئے ڈیوٹی پر رپورٹ نہیں کیا.
مریم رضا کے کمرے میں لٹکے ہوئے یونیفارم پر “شکریہ پی آئی اے” کا نوٹ بھی لکھا پایا گیا ہے۔
واضح رہے کہ پی آئی اے کے فلائٹ اٹینڈنٹ کے مبینہ طور پر ڈیوٹی کے دوران لاپتہ ہونے کا رواں سال یہ تیسرا واقعہ ہے جن میں سے دو خواتین شامل ہیں۔
