کسٹم حکام کی بڑی کاروائی، 40 کروڑ روپے مالیت کے قیمتی جواہرات برآمد
تورخم ایمپورٹ ٹرمینل میں خفیہ اطلاع پر کسٹم عملہ کی کوئلے سے بھری کارگو گاڑی کی تلاشی،40 کروڑ روپے مالیت کے قیمتی جواہرات برآمد کرکے ڈرائیور کو گرفتارکرلیا۔
کلکٹرکسٹم محمد اشفاق کے مطابق طورخم ٹرمینل میں خفیہ اطلاع پر کوئلہ سے بھرے گاڑی کی تلاشی لی ۔ گاڑی کے خفیہ خانوں سے 405 میلین یعنی 40 کروڑ روپے مالیت کے قیمتی پتھر برآمد کرلیا۔ برآمد کی جانے والے قیمتی پتھر میں 71 کلوگرام کونزائیٹ شامل ہے جبکہ گرین اسپوڈومین اور اسکاپولائیٹ بھی شامل ہیں۔
کلکٹر کسٹم کے مطابق جواہرات،کارگو گاڑی کوئلہ سمیت حراست میں لیکر مقدمہ درج کیا اور ڈرائیور سے تفتیش شروع کردی۔ واضح رہے کہ کارگو گاڑی کوئلہ لیکر افغانستان سے طورخم سرحدی گزرگاہ کےراستے پاکستان داخل ہوگیا تھا۔
