انٹر میلان کا بولوگنا کے خلاف ڈرا، سیری اے ٹائٹل دوڑ کو دھچکا

اردو انٹرنیشنل (اسپورٹس ویب ڈیسک) تفصیلات کے مطابق سیری اے لیگ میں انٹر میلان کو ٹائٹل کی دوڑ میں بڑا دھچکا لگا جب ان کا میچ مڈ ٹیبل ٹیم بولوگنا کے خلاف 2-2 سے برابر ہوگیا۔ اس نتیجے کی وجہ سے انٹر میلان نپولی کے قریب پہنچنے میں ناکام رہا جو پوائنٹس ٹیبل پر سہرِ فہرست ہے۔

بولوگنا نے میچ کا آغاز شاندار انداز میں کیا اور 15ویں منٹ میں سینتیاگو کاسترو کے گول سے برتری حاصل کی۔ تاہم، انٹر میلان کے ڈینزیل ڈمفریز نے صرف چار منٹ بعد ریباؤنڈ پر گول کرکے اسکور برابر کر دیا۔

ہاف ٹائم سے عین قبل انٹر میلان کے لاؤتارو مارتینز نے قریب سے گول کرکے اپنی ٹیم کو برتری دلائی، لیکن دوسرے ہاف میں بولوگنا نے زبردست واپسی کی۔ 64ویں منٹ میں ایمل ہولم کے ڈیفلیکٹڈ شاٹ کی مدد سے بولوگنا نے اسکور 2-2 سے برابر کر دیا۔

انٹر میلان نے آخری لمحات میں بھرپور کوشش کی لیکن فیصلہ کن گول کرنے میں ناکام رہا۔ اس ڈرا کے بعد انٹر کو نپولی کے قریب آنے کا موقع ضائع ہوگیا، جبکہ بولوگنا نے اپنی مڈ ٹیبل پوزیشن کو مضبوط کیا۔