ریزرو بینک آف انڈیا کو بم دھماکے کی دھمکی، پولیس تحقیقات میں مصروف

ہندوستان کے مالیاتی مرکزممبئی میں ریزرو بینک آف انڈیا (آر بی آئی) کو دھماکہ خیز حملے کی دھمکی موصول ہونے کے بعد پولیس نے تحقیقات کا آغاز کر دیا ہے۔

ممبئی پولیس کے ایک سینئر افسر کے مطابق، یہ دھمکی (آر بی آئی )کے حال ہی میں مقرر کیے گئے گورنر سنجے ملہوترا کے سرکاری ای میل پر بھیجی گئی تھی۔ گورنر سنجے ملہوترا نے بتایا کہ ، “ہم نے مقدمہ درج کر لیا ہے اور معاملے کی تفتیش جاری ہے۔”

بھارت میں دھمکیوں کا سلسلہ
بھارت میں 2024 میں اسکولوں، ریلوے اسٹیشنز، ہوائی اڈوں، اور ایئر لائنز کو متعدد بم دھماکوں کی دھمکیاں موصول ہوئی ہیں، جن میں سے زیادہ تر جعلی ثابت ہوئیں۔ پیر کے روز بھی دہلی کے کم از کم 40 اسکولوں کو ای میل کے ذریعے بم دھماکے کی دھمکیاں موصول ہوئیں۔

سال 2024 میں ہوائی اڈوں اور ایئر لائنز کو اب تک تقریباً 1,000 دھوکہ دہی پر مبنی دھمکیاں موصول ہوچکی ہیں ، جو پچھلے سال کے مقابلے میں تقریباً 10 گنا زیادہ ہیں۔

جعلی دھمکیاں اور خوف کا ماحول
دھمکیوں کی یہ لہر ملک بھر میں خوف و ہراس پھیلانے کا باعث بن رہی ہے۔ تاہم، پولیس اور متعلقہ حکام ہر واقعے کی باریک بینی سے تحقیقات کر رہے ہیں تاکہ عوام کے تحفظ کو یقینی بنایا جا سکے۔

ممبئی پولیس کی تحقیقات جاری ہیں، اور آر بی آئی کو موصول ہونے والی دھمکی کا ماخذ جاننے کی کوشش کی جا رہی ہے۔ حکام نے عوام سے پرامن رہنے اور غیر مصدقہ اطلاعات پر یقین نہ کرنے کی اپیل کی ہے۔