بابر اعظم کی آسٹریلیا کے معروف پاور ہٹنگ کوچ سے ملاقات
اردو انٹرنیشنل (اسپورٹس ڈیسک) تفصیلات کے مطابق پاکستان کے وائٹ بال کے کپتان بابر اعظم نے جمعرات کو آسٹریلیا کے معروف پاور ہٹنگ کوچ شینن ینگ سے ملاقات کی۔
بابر اور ینگ، جو کہ نجی دورے پر پاکستان میں ہیں، نے لاہور کے ایک مقامی کرکٹ کلب میں ملاقات کی۔
ملاقات کے دوران اعظم نے ینگ سے پاور ہٹنگ پر خصوصی گفتگو کی۔
واضح رہے کہ آسٹریلیا کے نئے اوپنر جیک فریزر-میک گرک اپنی پاور ہٹنگ کا سارا کریڈٹ ینگ کو دیتے ہیں۔
ینگ نے ماضی میں مارنس لیبوشگن اور گلین میکسویل کے ساتھ بھی کام کیا ہے۔
اس سے قبل آج پاکستان کرکٹ بورڈ کے چیئرمین محسن نقوی نے کہا کہ سابق کرکٹرز قومی ٹیم کے وائٹ بال کپتان کے طور پربابر اعظم کے مستقبل کا فیصلہ کریں گے۔
تاہم، نقوی نے یہ نہیں بتایا کہ وہ سابق کرکٹر کون ہوں گے۔
