ٹی ٹوئنٹی ورلڈ کپ : بنگلہ دیش نے نیپال کو شکست دے کر سپر 8 کے لیے کوالیفائی کر لیا
اردو انٹرنیشنل (اسپورٹس ڈیسک) تفصیلات کے مطابق بنگلہ دیش نے نیپال کو 21 رنز سے شکست دے کر پیر کو آرنوس ویل گراؤنڈ، کنگسٹاؤن، سینٹ ونسنٹ میں جاری ٹی ٹوئنٹی ورلڈ کپ 2024 کے سپر 8 کے لیے کوالیفائی کر لیا۔
نیپال کی ٹیم 107 رنز ہدف کے تعاقب میں 19.2 اوورز میں 85 رنز بنا کر آؤٹ ہو گئی۔
تنظیم حسن ثاقب اور مستفیض الرحمٰن نے شاندارباولنگ کا مظاہرہ کیا اور اپنی ٹیم کو فتح سے ہمکنار کیا .
تنظیم نے پلیئر آف دی میچ منتخب ہونے کے بعد کہا کہ ہم صرف چیزوں کو آسان رکھنا چاہتے تھے ہم اچھی جگہ پر گیند بازی کرنا چاہتے تھے اور گھبرانا نہیں چاہتے تھے ہمیں معلوم تھا کہ ہم اس اسکور کا دفاع کر سکتے ہیں ہر کسی نے اچھی گیند بازی کی۔
انہوں نے مزید کہا کہ ہم واقعی سپر ایٹ کے لیے بہت پرجوش ہیں ہمیں اس کے بارے میں بہت اعتماد ہے اور امید ہے کہ ہم اچھی کارکردگی کا مظاہرہ کر سکتے ہیں۔
نیپال کی جانب سے کشال مالا نے 27 رنز بنائے جبکہ دیپندر سنگھ ایری نے 25 رنز جوڑے۔
اس سے قبل نیپال نے گروپ ڈی کے اہم میچ میں بنگلہ دیش کے خلاف ٹاس جیت کر پہلے فیلڈنگ کا فیصلہ کیا۔
پہلے بیٹنگ کرتے ہوئے بنگلہ دیش کی پوری ٹیم 19.3 اوورز میں 106 رنز پر ڈھیر ہوگئی۔
نیپال کی طرف سے کلینکل باؤلنگ ڈسپلے میں سومپال کامی، دیپیندر سنگھ ایری، روہت پاڈیل اور سندیپ لامیچھانے نے2وکٹیں حاصل کیں۔
بنگلہ دیش وقفے وقفے سے وکٹیں کھوتا رہا کیونکہ ان کی اننگز رفتار سے محروم رہی شکیب الحسن 22 گیندوں پر 17 رنز بنا کر ٹاپ اسکورر رہے۔
