پنجاب انسداد دہشتگردی دیپارٹمنٹ (CTD)نے صوبہ بھر میں 19,000 سے زائد تعلیمی اداروں کی جیو ٹیگنگ مکمل کی۔
حکام کے مطابق صوبے کی واچ لسٹ میں اب تقریباً 9000 ممکنہ دہشت گردوں کے نام شامل ہیں۔جن میں سے 65 افراد کے نام حالیہ برسوں میں شام سے واپس آنے والوں میں سے بتائے گئے ہیں وہ بھی اب فہرست میں شامل ہیں۔
انہوں نے بتایا کہ اس کے علاوہ، 22 افراد کی نگرانی شروع کر دی گئی ہے جنہیں کیوبا میں واقع امریکی جیل گوانتانامو بے سے رہا کر کے گھر بھیج دیا گیا تھا۔
سی ٹی ڈی کے ریکارڈ سے پتہ چلتا ہے کہ اس وقت پنجاب میں 2,298 نوجوان ایسے ہیں جنہوں نے افغانستان سے عسکری تربیت حاصل کی ہے، جبکہ 1,566 ایسے افراد کی شناخت بھی کی گئی ہے جنہیں مقامی طور پر تربیت دی گئی تھی۔
اسی طرح اعداد و شمار بتاتے ہیں کہ افغان جیلوں سے رہائی پانے والے 540 افراد سے اب بھی تفتیش جاری ہے۔
حکام کے مطابق واچ لسٹ میں شامل افراد کا تعلق کسی کالعدم تنظیم یا گروپ سے رہا ہے۔
