سعودی عرب کا اعلیٰ سطحی وفد وزیر خارجہ شہزادہ فیصل بن فرحان بن عبداللہ کی قیادت میں آج (پیر)کو دو روزہ سرکاری دورے پر وفاقی دارالحکومت اسلام آباد پہنچ گیا ہے۔
وزیر خزانہ اسحاق ڈار نے ائیرپورٹ پر اپنے سعودی ہم منصب کا استقبال کیا جبکہ پاکستان میں سعودی سفیر نواف بن سعید احمد المالکی سمیت دیگر حکام بھی ان کے ہمراہ موجود تھے۔
دورہ پاکستان کے دوران سعودی وزیر خارجہ صدر پاکستان آصف علی زرداری، وزیراعظم شہباز شریف ، وزیر خارجہ اسحاق ڈار اور آرمی چیف سید عاصم منیر سے ملاقاتیں کریں گے۔ وزیر خارجہ اسحاق ڈار اور فیصل بن فرحان السعود خصوصی سرمایہ کاری سہولت کونسل (SIFC) میں اپنے اپنے وفود کی قیادت بھی کریں گے۔
اتوار کے روز، پاکستانی سرکاری میڈیا نے رپورٹ کیا تھا کہ سعودی عرب پاکستان کے جنوب مغربی صوبے بلوچستان میں ریکوڈک تانبے اور سونے کی کان کے منصوبے میں 1 ارب ڈالر کی سرمایہ کاری کر سکتا ہے۔
