الیکشن کمیشن نےانتخابی نتائج سے متعلق شکایات سیل قائم کر دیا،چاروں صوبوں کےلئے الگ الگ کاؤنٹرز قائم
الیکشن کمیشن آف پاکستان نے انتخابی نتائج سے متعلق اہم اعلان کردیا ہے۔
الیکشن کمیشن نے شکایات سیل قائم کر دیا ہے جس میں چاروں صوبوں کے علیحدہ علیحدہ کاؤنٹرز قائم کیے گئے ہیں۔
اس حوالے سے الیکشن کمیشن کا کہنا ہے کہ شکایات سیل انتخابی نتائج سے متعلق قائم کیے گئے ہیں، درخواست گزار اپنے اپنے حلقے سے متعلق معلومات لے سکیں گے۔
الیکشن کمیشن آج 67 درخواستوں پر سماعت کرے گا، درخواستوں پر سماعت کے لیے دو بینچ تشکیل دیئے گئے ہیں۔
الیکشن کمیشن کے حکام کا کہنا ہے کہ ممبر پنجاب اور ممبر کے پی پر مشتمل بینچ 29 درخواستوں پر جبکہ ممبر سندھ اور ممبر بلوچستان پر مشتمل بینچ 38 درخواستوں پر سماعت کرے گا۔
پولنگ کاعمل ختم ہونے کے ایک گھنٹے بعد غیر حتمی نتائج نشر کیے جائیں، الیکشن کمیشن