جیو نیوز کی رپورٹ کے مطابق قومی کرکٹ ٹیم کے سابق کپتان وسیم اکرم، مصباح الحق اور اظہر علی کراچی کے ٹریفک میں پھنسنے کی وجہ سے اسٹیڈیم نہ پہنچ سکے۔
اداکار و میزبان فخرِ عالم نے ٹوئٹر پر ایک ویڈیو شیئر کی جس میں سابق کپتان وسیم اکرم کا کہنا تھا کہ ڈیڑھ گھنٹے ٹریفک میں کھڑے رہے اور پھر یوٹرن لینے کے لیے مزید گھنٹہ لگا۔
وسیم اکرم نے کہا کہ آج مجھے سمجھ آگئی ہے کہ لوگ کیوں میچ نہیں دیکھنے آرہے، جب ہم اسٹیڈیم کے قریب تک نہیں پہنچ سکے تو لوگ کیسے آئیں گے، کنٹینر ہر چیز کا حل نہیں ہے ہمیں ان مسائل کو حل کرنا ہوگا۔
جبکہ اس سے قبل سندھ کے سیکیورٹی یونٹ کے ترجمان نے ایک بیان میں کہا تھا کہ عوامی سہولت کے مفاد کے لیے تمام سڑکیں مسافرون کے لیے کھلی رکھیں گے۔
انہوں نے مزید کہا تھا کہ پارکنگ پوائنٹس سے لے کر ٹریک سوٹ میں ایس ایس یو کمانڈوز کے ذریعے انگلوژر تک تماشائیوں کی مکمل رہنمائی اور مدد کی جائے گی۔ مزید تفصیلات کے لیے لنک پر کلک کریں
واضح رہے کہ پی ایس ایل 9 کے کراچی میں ہونے والے میچز کو دیکھنے کیلئے اسٹیڈیم میں شائقین کی عدم دلچسپی نظر آئی اور اسٹینڈ خالی دکھائی دیے تھے۔
اس سے قبل پاکستان سپر لیگ کے نویں ایڈیشن کا آغاز ملتان اور لاہور سے ہوا تھا جہاں شائقین کی بڑی تعداد نے اسٹیڈیم کا رخ کیا تھا ۔
