عثمان خان نے لسٹ اے کرکٹ میں تیز ترین ڈبل سنچری کا نیا ریکارڈ قائم کر دیا
اردوانٹرنیشنل(اسپورٹس ڈیسک) تفصیلات کے مطابق پاکستان کے جارح مزاج بلے باز عثمان خان نے لسٹ اے کرکٹ میں تیز ترین ڈبل سنچری کا نیا ریکارڈ اپنے نام کر لیا۔
ایس این جی پی ایل کے خلاف ایشال ایسوسی ایٹس کی جانب سے کھیلتے ہوئے،عثمان نے یہ سنگ میل فیصل آباد کے اقبال اسٹیڈیم میں پریذیڈنٹ کپ میچ کے دوران حاصل کیا.
انہوں نے صرف 131 گیندوں پر اپنی ڈبل سنچری مکمل کی، آخر کاروہ 132 گیندوں پر 201 رنز بنانے کے بعد ریٹائر ہو گئے۔
یہ نیا ریکارڈ شرجیل خان کے قائم کردہ پچھلے نمبر کو پیچھے چھوڑ گیا ہے، جنہوں نے 2022 میں خیبر پختونخوا کے خلاف سندھ کی نمائندگی کرتے ہوئے 133 گیندوں پر اپنی ڈبل سنچری مکمل کی تھی۔
یہ میچ عثمان کا لسٹ اے میں 10 واں میچ تھا۔ ان تمام میچوں میں انہوں نے 81.5 کی اوسط سے 652 رنز بنائے ہیں جن میں ایک ڈبل سنچری، ایک سنچری اور چار نصف سنچریاں شامل ہیں۔
عثمان اب لسٹ اے کرکٹ میں ڈبل سنچری بنانے والے ساتویں پاکستانی کرکٹر ہیں، جس میں فخر زمان، عابد علی، محمد علی، شرجیل خان، کامران اکمل، اور خالد لطیف شامل ہیں۔
