امریکی وزیر خارجہ اینٹونی بلنکن کی جانب سے پاکستانیوں کو یوم آزادی کی مبارکباد
امریکی وزیر خارجہ انٹونی بلنکن نے پاکستانی عوام کو ان کے 77ویں یوم آزادی پر دلی مبارکباد پیش کی ہے۔
اپنے پیغام میں، بلنکن نے امریکی عوام کی طرف سے پاکستانی عوام کے لیے نیک تمناؤں کا اظہار کیا، دونوں ممالک کے عوام کے مضبوط روابط اور مضبوط دوطرفہ تعلقات کے ذریعے ایک روشن مستقبل کی تعمیر کی اہمیت پر زور دیا۔
انہوں نے اس امید کا اظہار کیا کہ امریکہ اور پاکستان کی شراکت داری آنے والے سالوں میں مزید بڑھے گی، گہرے تعلقات کو فروغ دے گی اور دونوں ممالک کے لیے مزید خوشحال مستقبل کی راہ ہموار کرے گی۔
بلنکن نے دونوں ممالک کے درمیان شراکت داری کو مضبوط بنانے کے لیے امریکہ کے عزم کا اعادہ کیا، جس کی جڑیں مشترکہ جمہوری اقدار اور قانون کی حکمرانی میں ہیں، جس کا مقصد دونوں ممالک کی سلامتی کو بڑھانا ہے۔
انہوں نے اپنے پیغام کا اختتام پاکستان، امریکہ اور دنیا بھر میں مقیم پاکستانیوں کو اس اہم موقع پر دل کی گہرائیوں سے مبارکباد پیش کرتے ہوئے کیا۔
واضح رہے کہ ملک بھر میں آج 78واں یوم آزادی اس عزم کی تجدید کے ساتھ منایا جارہا ہے کہ تحریک پاکستان کے جذبے کے تحت کام کرتے ہوئے ملک کو حقیقی اسلامی فلاحی ریاست بنایا جائے گا۔
