جارج لنڈے کی بدولت، جنوبی افریقہ نے پاکستان کو 11 رنز سے ہرا دیا

اردوانٹرنیشنل (اسپورٹس ڈیسک) تفصیلات کے مطابق جارج لنڈے نے 48 رنز کی تیز رفتار اننگز کھیلی، جس کے بعد4 وکٹ لے کر جنوبی افریقہ نے منگل کو کنگس میڈ میں پاکستان کے خلاف پہلے ٹی ٹوئنٹی میں سنسنی خیز فتح حاصل کی۔

مشکل ہدف 184 رنز کے تعاقب میں گرین شرٹس کپتان محمد رضوان کی نصف سنچری کے باوجود مقررہ 20 اوور میں 172/8 کے مجموعی اسکوربنا سکے۔

ٹورنگ سائیڈ کا تعاقب میں ایک متزلزل آغاز تھا کیونکہ ان کے اسٹار بلے باز بابر اعظم تیسرے اوور میں صفر پر آوٹ ہو گئے.

ابتدائی دھچکے کے بعد، صائم ایوب نے رضوان کے ساتھ دوسری وکٹ کے لیے یکطرفہ 40 رنز کی شراکت قائم کی اور ساتویں اوور میں اینڈیل سملین کا شکار ہوئے۔

بائیں ہاتھ کے بلے باز نے صرف 15 گیندوں پر 7 چوکوں کی مدد سے تیز 31 رنز بنائے۔

رضوان، پاکستان کے لیے 62 گیندوں پر 74 رنز کے ساتھ ٹاپ اسکورر رہے جس میں5 چوکے اور 3 چھکے شامل تھے۔

مافاکا نے پھر شاندار باولنگ کا مظاہرہ کیا اور بقیہ 4 گیندوں پر صرف 6 رنز دیے اور سیریز کے افتتاحی میچ میں اپنی ٹیم کو 11 رنز سے فتح دلائی۔

جنوبی افریقہ کی جانب سے لنڈے نے 4 وکٹ حاصل کیں، اس کے بعد کوینا مافاکا نے 2 جبکہ اوٹنیل بارٹمین اور سیمولین نے ایک کھلاڑی کو آوٹ کیا.

اس سے قبل،جنوبی افریقہ نے پہلے بلے بازی کا انتخاب کیا لیکن مطلوبہ آغاز حاصل کرنے میں ناکام رہے کیونکہ جلد ہی وہ 28-3 کے مجموعی اسکور پر جدوجہد کر رہے تھے۔

اس کے بعد ڈیوڈ ملر نے کپتان ہینرک کلاسن (12) کے ساتھ 43 رنز کی یکطرفہ شراکت داری کی اس سے پہلے کہ عباس آفریدی نے ابھرتے ہوئے اسٹینڈ کو توڑا۔

ملر نے اپنا حملہ جاری رکھا اور 40 گیندوں پر تیز رفتار 82 رنز بنائے انہوں نے 8 چھکے لگائے، جس میں 4 چوکے بھی شامل تھے۔

شاہین آفریدی نے ملر کو آوٹ کیا، اس سے پہلے کہ جارج لنڈے نے 20 اوور میں اپنی ٹیم کا مجموعی اسکور 183-9 تک لے جانے کے لیے تنہا شاندار اننگز کھیلی۔

لنڈے 24 گیندوں پر 3 چوکوں اور 4 چھکوں کی مدد سے 48 رنز بنانے کے بعد اننگز کی آخری گیند پرآوٹ ہو گئے۔

پاکستان کی جانب سے شاہین اور ابرار احمد نے 3 جبکہ عباس آفریدی نے 2 کھلاڑیوں کو آوٹ کیا.