جنوبی افریقہ: بس حادثے میں 45 زائرین ہلاک
اردو انٹرنیشنل ( مانیٹرنگ ڈیسک) تفصیلات کے مطابق جنوبی افریقہ میں مسافر بس کھائی میں گرنے سے 45 مسیحی زائرین ہلاک ہوگئے، حادثے میں 8 سالہ بچی معجزاتی طور پر زندہ بچ گئی جسے تشویش ناک حالت میں ہسپتال پہنچایا گیا۔
تفصیلات کے مطابق واقعہ جنوبی افریقہ کے پہاڑی علاقے مماٹلاکالا میں اس وقت پیش آیا جب ڈرائیور موڑ کاٹتے ہوئے توازن کھو بیٹھا اور مسافر بس 50 میٹر گہری گھائی میں جاگری۔
حادثے کے بعد بس میں آگ لگ گئی، معجزاتی طور پر بچ جانے والی 8 سالہ بچی کو انتہائی تشویش ناک حالت میں ہسپتال منتقل کردیا گیا جبکہ 45 افراد ہلاک ہوگئے۔
اطلاعات کے مطابق یہ بس ایسٹر کے زائرین کو جنوبی افریقہ کے علاقے بوٹسوانا کے دارالحکومت گبرون سے موریا نامی قصبے کی طرف لے جا رہی تھی، جو شمالی لیمپوپو صوبے کا ایک قصبہ ہے جہاں ایسٹر کا ایک مشہور تہوار منایا جاتا ہے۔ ایسٹر سنڈے اس سال 31 مارچ کو آتا ہے۔
اس افسوسناک واقعے کے بعد جنوبی افریقہ کے صدر سیرل رامفوسا نے بوٹسوانا سے تعزیت کا اظہار کیا اور اس مشکل وقت میں ان کی مدد کرنے کا وعدہ کیا۔ اس بات کا اعلان ان کے دفتر نے ایک سرکاری بیان میں کیا۔
