اردو انٹرنیشنل (مانیٹرنگ ڈیسک) روس کے خطے سائبیریا کے آسمان پر شہاب ثاقب کا حیرت انگیز نظارہ کیا گیا۔
غیر ملکی میڈیا کے مطابق شہاب ثاقب کا یہ نظارہ سائبیریا کے شمال مشرقی علاقے ساخا ریپبلک میں کیا گیا ہے۔
ماہر فلکیات کی جانب سے بتایا گیا ہے کہ شہاب ثاقب زمین کے ماحول میں آکر جلا ہے جس سے کوئی نقصان نہیں ہوا۔
خلا کے اس پتھر کا قطر 28 انچ تھا اور اس کا عارضی نام COWEPC5 رکھا گیا ہے۔
شہاب ثاقب کے گرنے کا یہ منظر کیمرے کی آنکھ نے محفوظ کرلیا جس کی تصویر اور ویڈیو سوشل میڈیا پر وائرل ہورہی ہے۔
