شاہد آفریدی ورلڈکپ کے بعد پاکستان ٹیم کی اندرونی کہانی عوام کے سامنے لائیں گے

اردو انٹرنیشنل (اسپورٹس ڈیسک) تفصیلات کے مطابق پاکستان کرکٹ ٹیم کے سابق کپتان شاہد آفریدی کا کہنا ہے کہ وہ ٹی ٹوئنٹی ورلڈ کپ میں موجودہ اسکواڈ کے حوالے سے اندرونی کہانی جلد عوام کے سامنے لائیں گے۔

ایک مقامی ٹی وی چینل کو انٹرویو دیتے ہوئے شاہد آفریدی سے ٹیم میں اتحاد نہ ہونے کے بارے میں سوال پوچھا گیا جس کے جواب میں سابق کپتان نے مہمانوں کے پینل میں موجود محمد وسیم کی طرف اشارہ کیا۔

محمد وسیم کی جانب اشارہ کرتے ہوئے آفریدی نے کہا کہ ‘یہ بہت ساری چیزیں جانتے ہیں اور میں بھی لیکن ہم کھل کر بات نہیں کر سکتے’۔

انہوں نے بات جاری رکھتے ہوئے کہا کہ ‘ٹیم کی ہم آہنگی، اتحاد اور کھلاڑی ایک دوسرے کے ساتھ کیسے ہیں اس کی ذمہ داری کپتان پر عائد ہوتی ہے کپتان یا تو مثبت ماحول بناتا ہے یا اسے خراب کر دیتا ہے’۔

شاہد کا کہنا تھا کہ ‘ٹیم مینجمنٹ اور کوچز سے پہلے کپتان ہی ٹیم کو متحد کرتا ہے اس کے پاس اختیار ہوتا ہے جب کہ اسے سلیکشن کمیٹی سپورٹ کرتی ہے میدان پر ٹیم لڑانے کا کام کپتان کا ہے.’

آفریدی نے مزید کہا کہ ‘شاہین کے ساتھ میرا رشتہ کسی اور قسم کا ہے اگر میں کوئی بات کروں گا تو لوگ کہیں گے کہ اپنے داماد کو سپورٹ کر رہا ہوں حالانکہ میں ایسا نہیں ہوں اگر میری بیٹی، بیٹا یا داماد غلط ہیں تو میں انہیں بھی غلط کہوں گا’۔

انہوں نے کہا کہ ‘پچھلے کچھ عرصے میں ہماری سلیکشن کمیٹی اور بورڈ نے بڑی غلطیاں کی ہیں ورلڈکپ کے بعد کھل کر بات کروں گاہمارے لوگوں نے خود اسی یونٹ کو خراب کیا ہے’۔

و