انگلش بلے باز کی فرسٹ کلاس کرکٹ میں دوسری تیز ترین ڈبل سنچری
اردو انٹرنیشنل (اسپورٹس ڈیسک) تفصیلات کے مطابق لیسٹر شائر کے بلے باز لوئس کمبر نے کاؤنٹی چیمپیئن شپ میں تیز ترین ڈبل سنچری بنانے کے ساتھ ساتھ مجموعی طور پر فرسٹ کلاس کرکٹ میں دوسری تیز ترین سنچری بنانے والےبلے باز بن گئے.
کھلاڑی نے ہوو میں سسیکس کے خلاف کاؤنٹی چیمپئن شپ ڈویژن2 میچ کی دوسری اننگز میں صرف 127 گیندوں پر 243 رنز کی تاریخی اننگز کھیلی تاہم، ان کی اننگز ہارنے کا سبب بنی کیونکہ سسیکس نے 18 رنز کی مختصر فتح درج کی۔
اپنی اننگز کے دوران، دائیں ہاتھ کے بلے باز نے متعدد ریکارڈز کو توڑ دیا اور انگلینڈ کے ٹیسٹ باؤلر اولی رابنسن کو تباہ کر دیا جنہوں نے ایک اوور میں 43 رنز دیےیہ فرسٹ کلاس کرکٹ کی تاریخ کا دوسرا مہنگا اوور تھا۔
لوئس کمبر نے رابنسن کو مجموعی طور پر پانچ چھکے لگائے جن میں سے تین نو گیندوں پر آئے تین چوکے اور ایک سنگل 59ویں اوور میں۔
کمبر، جو رابنسن کے اوور سے پہلے 56 گیندوں پر 72 رنز بنا چکےتھے، نے اوور کے اختتام پر صرف 65 گیندوں پر ناقابل شکست 109 رنز بنائے۔
انہوں نے اپنا حملہ جاری رکھا اور صرف 100 گیندوں میں اپنی ڈبل سنچری مکمل کر کے کاؤنٹی کرکٹ کی تاریخ کی تیز ترین ڈبل سنچری کا ریکارڈ توڑ دیا۔
کمبر کی 100 گیندوں پر ڈبل سنچری افغانستان کے بلے باز شفیق اللہ کے بعد دوسرے نمبر پر ہے، جنہوں نے 2018 میں 89 گیندوں میں یہ سنگ میل عبور کیا۔
کمبر نے 20 چوکے اور 21 چھکے لگا کر 243 رنز بنا کر کاؤنٹی چیمپئن شپ میں ایک اننگز میں سب سے زیادہ چھکوں کا ریکارڈ توڑ دیا۔
اس سے قبل یہ ریکارڈ انگلینڈ کے موجودہ ٹیسٹ کپتان بین اسٹوکس کے پاس تھا جنہوں نے 2022 میں وورسٹر شائر کے خلاف 17 چھکے لگائے تھے۔
