سعودی عرب : خوفناک ٹریفک حادثے میں 4 افراد جاں بحق ، 23 زخمی
اردو انٹرنیشنل (مانیٹرنگ ڈیسک) سعودی عرب کے دارالحکومت الریاض میں ایک خوفناک ٹریفک حادثے کے نتیجے میں چار افراد جاں بحق اور 23 زخمی ہوگئے۔
یہ حادثہ ریاض کے قریب بیشہ الرین روڈ پر گرد وغبار کے دوران 13 گاڑیوں کے آپس میں ٹکرانے سے ہوا۔
اس واقعے کی ایک ابتدائی ویڈیو سوشل میڈیا پر وائرل ہوئی ہے جس میں حادثے کا شکار ہونے والی گاڑیوں کی تباہ کو دیکھا جا سکتا ہے۔
ویڈیو میں دیکھا جا سکتا ہے کہ تیز ہوا اور گردوغبار کے بعد نظر ویژن واضح نہ ہونے کی وجہ سے 13 سے زائد کاریں مین روڈ پر آپس میں ٹکرا گئیں۔ کاریں اپنے راستے سے ہٹ کر سڑک کے دونوں طرف جا گریں، جہاں ٹرانسپورٹ ٹرک آپس میں ٹکراگئے تھے۔ حادثے کی جگہ پر لینڈ کروزر اور دیگر گاڑیاں دیکھی جا سکتی ہیں۔
حادث اليوم خط الرين – بيشه
مركز قمران 📍
اكثر من ١٨ سياره 🚗
الله يرحم الميت ويشفي المصابين 🤲🏻#الرين pic.twitter.com/mBHItQGTEq— عايض مبارك المكودر 🎗 (@ayed_m10) July 25, 2024
دوسری جانب الرین جنرل ہسپتال کے حکام کا کہنا ہے حادثے میں 23 کیسز افراد زخمی ہوئے جن میں سے چار افراد کی موت واقع ہوگئی۔
سعودی ہلال احمر کی طرف سے کچھ زخمیوں کو ہسپتال کی ایمرجنسی میں منتقل کیا گیا، جہاں طبی ٹیموں نے ضروری ابتدائی طبی امداد فراہم کی۔
زخمیوں میں سے چار کو ہسپتالوں میں داخل کیا گیا ہے جب کہ 8 زخمیوں کو فوری طبی امداد کی فراہمی کے بعد اسپتال سے رخصت کر دیا گیا تھا۔
