روسی صدر پیوٹن اور سعودی ولی عہد محمد بن سلمان کی شہباز شریف کو وزیر اعظم منتخب ہونے پر مبارکباد
اردو انٹرنیشنل (مانیٹرنگ ڈیسک) تفصیلات کے مطابق روس کے صدر ولادیمیر پیوٹن اور سعودی عرب کے ولی عہد اور وزیراعظم شہزادہ محمد بن سلمان بن عبدالعزیز السعود نے شہباز شریف کو پاکستان کا نیا وزیر اعظم منتخب ہونے پر مبارکباد دی ہے.
اسلام آباد میں روس کے سفارت خانے کی جانب سے جاری بیان میں کہا گیا ہے کہ روسی صدر نے پاکستان اور روس کے تعلقات کی دوستانہ نوعیت کو اجاگر کیا اور شہباز شریف کو حکومت کے سربراہ کی حیثیت سے کامیابی کے لیے نیک تمناؤں کا اظہار کیا۔
دوسری جانب سعودی عرب کے ولی عہد محمد بن سلمان نےاسلامی جمہوریہ پاکستان کے وزیراعظم شہباز شریف کو اپنے عہدے کا حلف اٹھانے پر مبارکباد کاپیغام بھیجا ہے۔
سعودی پریس ایجنسی کے مطابق سعودی ولی عہد نے شہباز شریف کی کامیابی اور پاکستانی عوام کی مستقل ترقی اور خوشحالی کے لیے نیک تمنائوں کا اظہار کیا۔
