پاکستان کرکٹ ٹیم کی کوچنگ کے چیلنج کے لیے تیار ہوں، جیسن گلیسپی

اردو انٹرنیشنل (اسپورٹس ڈیسک) تفصیلات کے مطابق آسٹریلوی میڈیا کو انٹرویو دیتے ہوئے جیسن گلیسپی نے کہا کہ پاکستان کرکٹ ٹیم کی کوچنگ کے چیلنج کے لیے تیار ہوں میں نے پاکستان میں کوچنگ کے حوالے سے بہت سے لوگوں سے بات کی ہے۔

انہوں نے کہا کہ ڈیو وٹمور سے بات چیت ہوئی ہے وہ کئی ممالک میں کوچنگ کرچکے ہیں ڈیو نے کافی معلومات دی ہیں اور اچھی نصیحت بھی کی ہے میں کسی وقت جیف لاسن کے ساتھ بھی بات کرنے کی کوشش کر رہا ہوں۔

جیسن کا کہنا تھاکہ سائمن ہیلمٹ گزشتہ سال پاکستان ٹیم کے ساتھ تھےانہوں نےمجھے اچھے مشورے دیے اچھی چیزیں بتائیں سائمن نے مجھے کھلاڑیوں کے بارے میں بتایا وہ کیا سوچتے ہیں یہ سب میرے لیے بہت شاندار ہے میں کھلی آنکھوں کے ساتھ جا رہا ہوں، کوئی غلطی نہیں کروں گا۔

انہوں نے مزید کہا کہ سپورٹ اسٹاف میں کچھ سالوں کے دوران تبدیلیاں ہوئی ہیں لیکن آپ ویسے چلتے ہیں جیسے آپ کو بتایا جاتا ہے میری پاکستان کرکٹ بورڈ اور پاکستان میں کئی لوگوں سے بات ہوئی میری بات چیت اب تک بڑی شاندار رہی ہے۔