بھارت کیلئے پاکستان کے نئے ناظم الامور دہلی پہنچ گئے
اردو انٹرنیشنل (مانیٹرنگ ڈیسک) تفصیلات کے مطابق بھارت میں تعینات کئے جانے والے پاکستان کے نئے ناظم الامور سعد احمد وڑائچ بھارتی دارالحکومت دہلی پہنچ گئے ہیں جہاں پر وہ سابق ناظم الامور اعجاز خان کی جگہ اپنی سفارتی ذمہ داریاں سنبھالیں گے۔
اعزاز خان اپنی تعیناتی کی مدت مکمل کر کے مارچ کے پہلے ہفتے دہلی سے اسلام آباد پہنچیں گے۔
واضح رہے کہ نگراں حکومت نے نئی دہلی میں ہائی کمیشن کے لیے دفتر خارجہ کے سینیئر افسر سعد وڑائچ کو بھارت کے لیے نیا ناظم الامور (چارج ڈی افیئر) منتخب کیا تھا۔
سعد وڑائچ دفتر خارجہ میں ڈائریکٹر جنرل افغانستان، ترکیہ و ایران کام کر رہے تھے جبکہ اب ان کی جگہ اسد گیلانی کو ڈی جی افغانستان کی نئی ذمہ داری سونپی گئی ہے۔
دوسری جانب بھارت نے گیتیکا سریواستو کو پاکستان کیلئے بطورِ نئے ناظم الامور نامزد کر دیا ہے.
