پاکستان کے ٹینس اسٹار اعصام الحق کا ریٹائرمنٹ کا اعلان

اسلام آباد: پاکستان کے مایہ ناز ٹینس اسٹار اعصام الحق نے پروفیشنل ٹینس سے ریٹائرمنٹ کا اعلان کر دیا۔

انہوں نے یہ اعلان پاکستان ٹینس فیڈریشن (پی ٹی ایف) کمپلیکس میں منعقدہ ملک کے پہلے اے ٹی پی چیلنجر ٹورنامنٹ کی افتتاحی تقریب کے دوران کیا۔

الوداعی خطاب میں اعصام الحق نے اپنے کیریئر کے ابتدائی چیلنجز کا ذکر کرتے ہوئے والدین، فیملی، کوچز، مینٹورز، ساتھی کھلاڑیوں اور قومی اسپورٹس میڈیا کا شکریہ ادا کیا اسلام آباد میں جاری اے ٹی پی چیلنجر ٹورنامنٹ ان کے پروفیشنل کیریئر کا آخری مقابلہ ہوگا۔