پاکستان ویمن ٹیم ٹی ٹوئنٹی ورلڈ کپ 2024 کے لیے تیار
اردوانٹرنیشنل(اسپورٹس ڈیسک) تفصیلات کے مطابق آئی سی سی ویمن ٹی ٹوئنٹی ورلڈ کپ 2024 کل سے یو اے ای میں شروع ہوگا جس میں 18 روزہ ٹورنامنٹ میں 10 ٹیمیں حصہ لیں گی۔
پاکستان ویمن ٹیم کو گروپ اے میں آسٹریلیا، بھارت، نیوزی لینڈ اور سری لنکا کے ساتھ رکھا گیا ہے گروپ بی میں بنگلہ دیش، انگلینڈ، اسکاٹ لینڈ، جنوبی افریقہ اور ویسٹ انڈیز شامل ہیں۔
فاطمہ ثنا کی قیادت میں پاکستان ویمن ٹیم ٹورنامنٹ کے اپنے افتتاحی میچ میں کل سری لنکا سے شارجہ کرکٹ اسٹیڈیم میں مدمقابل ہوگی پاکستان 6 اکتوبر کو دبئی انٹرنیشنل کرکٹ اسٹیڈیم میں روایتی حریف بھارت کے خلاف کھیلے گا۔
اس کے بعد پاکستان 11 اکتوبر کو دفاعی چیمپئن آسٹریلیا کے خلاف میدان میں اترے گا، جبکہ اس کا آخری گروپ میچ 14 اکتوبر کو اسی مقام پر نیوزی لینڈ کے خلاف ہوگا۔
ٹورنامنٹ کے فارمیٹ کے مطابق، ہر گروپ سے ٹاپ دو ٹیمیں 17 اور 18 اکتوبر کو ہونے والے سیمی فائنل کے لیے کوالیفائی کریں گی، جب کہ ٹورنامنٹ کے فاتح کا فیصلہ 20 اکتوبر کو کیا جائے گا۔
پاکستان نے ٹورنامنٹ کے آغاز سے قبل اسکاٹ لینڈ اور بنگلہ دیش کے خلاف دو وارم اپ میچ کھیلے ہیں اور حالات سے ہم آہنگ ہونے کے لیے مختلف پریکٹس سیشنز میں بھی حصہ لیا ہے۔
پاکستان کی کپتان فاطمہ ثناء نے اپنی ٹیم کی تیاریوں کے بارے میں پراعتماد ہیں.
انہوں نے کہا کہ دو پریکٹس میچز نے یہاں کے حالات کا اندازہ لگانے میں بھی ہماری مدد کی ہے اور ہمیں ٹورنامنٹ میں کھلاڑیوں کے صحیح امتزاج کے بارے میں وضاحت فراہم کی ہے.
پاکستانی اسکواڈ:فاطمہ ثنا (کپتان)، عالیہ ریاض، ڈیانا بیگ، گل فیروزہ، ارم جاوید، منیبہ علی (وکٹ کیپر)، نشرہ سندھو، ندا ڈار، عمائمہ سہیل، صدف شمس، سعدیہ اقبال، سدرہ امین، سیدہ عروب شاہ، تسمیہ رباب۔ اور طوبہ حسن
