اردو انٹرنیشنل(اسپورٹس ڈیسک) تفصیلات کے مطابق نیوزی لینڈ نے مارک چیپ مین کی بدولت پانچ میچوں کی ٹی ٹوئنٹی سیریز میں شاندار واپسی کی جس نے اتوار کو راولپنڈی کرکٹ اسٹیڈیم میں تیسرے میچ میں مہمانوں کو آٹھ وکٹوں سے فتح دلائی۔
سیریز اب 1-1 سے برابر ہے جبکہ لاہور میں دو میچز باقی ہیں میچز 25 اور 27 اپریل کو قذافی اسٹیڈیم میں شیڈول ہیں۔
بلیک کیپس نے 179 رنز کے ہدف کے لیے اوپنرز ٹم رابنسن (28) اور ٹم سیفرٹ (21) کے ساتھ شاندار آغاز کیا پہلی وکٹ کے لیے 42 رنز بنائے۔
ہوم سائیڈ نے نسیم شاہ اور عباس آفریدی کے بیک ٹو بیک آؤٹ کے ساتھ واپسی کی کوشش کی لیکن ڈین فاکس کرافٹ کے ساتھ جوڑی بنانے والے چیپ مین نے اپنے منصوبے بنائے تھے۔
بائیں ہاتھ کے کھلاڑی 117 رنز کی شراکت میں جارحانہ تھے جبکہ فاکس کرافٹ نے ان کا شاندار ساتھ دیا چیپ مین نے ٹی ٹوئنٹی میں اپنی آٹھویں ففٹی اسکور کی اور 87 کے ناقابل شکست اسکور پر اختتام کیا انہوں نے9 چوکے اور4چھکے لگائے۔
فاکس کرافٹ نے 29 گیندوں پر 31 رنز بنائے جس کا تعاقب 19 ویں اوور میں مکمل ہوا۔
اس سے قبل پاکستان نے پہلے بیٹنگ کرتے ہوئے 178/4 رنزبنائے میزبانوں کی شروعات اچھی رہی اور صائم ایوب مہمانوں پر حاوی رہے صائم اور بابر کی اوپننگ جوڑی نے 54 رنز کی شراکٹ فراہم کی صائم نے 22 گیندوں پر 32 رنز بنانے کے بعد ایش سوڈھی کی گیند پر جیمز نیشم کے ہاتھوں کیچ آؤٹ ہوئے۔
بابر مائیکل بریسویل کی گیند پرجیکب ڈفی، کے ہاتھوں کیچ ہو گئے انہوں نے 127.58 کے اسٹرائیک ریٹ سے 29 گیندوں پر 37 رنز بنائے۔
عثمان خان پھر زیادہ ا سکور نہ کر سکے اور 6 گیندوں پر 4 رنز بنانے کے بعد آؤٹ ہو گئے۔
عرفان کے ساتھ آل راؤنڈر شاداب خان شامل ہوئے اور دونوں نےشاندار بلے بازی کا مظاہرہ کرتے ہوئے دھماکہ خیز شراکت داری کی62 رنز کی شراکت میں شاداب نے 20 گیندوں پر 2 چھکےاور 4 چوکے کی مدد سے 41 رنز بنائے۔
اس دوران عرفان نے تین چوکے اور ایک چھکا کی مدد سے 20 گیندوں پر 30 رنز بنائے.
تجربہ کار اسپنر ایش سوڈھی نیوزی لینڈ کے نمایاں باؤلر رہے جنہوں نے 2/25 کے اعداد و شمار کے ساتھ اختتام کیا۔
مارک چیپ مین میچ کے بہترین کھلاڑی قرار پائے.
