پاکستان تحریک انصاف کا عید کے بعد بڑے جلسے کرنے کا اعلان
اردو انٹرنیشنل ( مانیٹرنگ ڈیسک) پاکستان تحریک انصاف کے سینیئر رہنما علی محمد خان کا کہنا ہے کہ عید کے بعد بڑے جلسوں کی طرف جائیں گے۔
عید کے بعد پاکستان تحریک انصاف نے جلسوں کے لیے حکمت عملی تیار کرلی، جلسہ یا احتجاج کسی حساس مقام کے قریب نہ کرنے کا فیصلہ کیا گیا ہے۔
انہوں نے کہا کہ جلسوں کے ساتھ پرامن احتجاج بھی ہماراحق ہے، جلسہ یا احتجاج پریس کلب یا کسی بھی پبلک مقام پر کیا جائے گا۔
علی محمد خان کا کہنا تھا کہ کارکن اس بات کا خیال رکھیں کہ کسی حساس جگہ کے قریب اکھٹے نہ ہوں۔
انہوں نے مزید کہا کہ کارکن کسی کو موقع نہ دیں کہ 9 مئی والے ڈرامہ کا معاملہ ہو، کارکن متحدہ رہے اور توجہ دوسری طرف نہ دیں۔
