سابق چیف سلیکٹر انضمام الحق نے اپنے ایک بیان میں کہا کہ لوگ بغیر تحقیق کے باتیں کرتے ہیں، مجھ پر سوال اٹھے تو استعفیٰ دینا بہتر سمجھا، اگرمجھ پر سوال اٹھے ہیں تو بہتر ہے سائیڈ پر ہوجاؤں۔
انہوں نے کہا کہ پی سی بی انکوائری کرے میں سامنا کرنے کے لئے حاضر ہوں،جو لوگ بغیر تحقیق کے باتیں کر رہے ہیں ثبوت کے ساتھ بات کریں۔
انضمام الحق نے کہا کہ میرا پلیئرز ایجنٹ کمپنی سے کوئی تعلق نہیں ہے، اس طرح کے الزامات سے دکھ ہوتا ہے۔
انہوں نے کہا کہ مجھ پرالزامات لگنے پرمیں نے بورڈ سے بات کی تھی، بورڈ کوکہا کہ آپ کوکوئی شک ہے توانکوائری کرلیں، مجھے فون آیا اور بتایا گیا کہ 5 لوگوں کی کمیٹی بنائی گئی ہے، اس پر بورڈ کو کہا جب تک کمیٹی تحقیقات کرلےعہدہ چھوڑ دیتا ہوں۔
ان کا مزید کہنا تھاکہ تمام چیزیں کلیئرہونے کے بعد پی سی بی کے ساتھ بیٹھ جاؤں گا، مجھے لگا کہ میرے خلاف انکوائری ہورہی تو مجھے عہدے سے الگ ہوجانا چاہیے، ہمیں انکوائری کے نتائج کا انتظار کرنا چاہیے۔
