کبھی لیاقت چٹھہ سے ملاقات یا رابطہ نہیں کیا،ملک ریاض
سوشل میڈیا پلیٹ فارم ایکس پر معروف پراپرٹی ڈیلر ملک ریاض نےاپنی پوسٹ میں لکھا ہے کہ یہ بہت افسوسناک بات ہے کہ جب بھی پاکستان میں افراتفری ہوتی ہے، ہر کوئی بغیر کسی دلیل، منطق یا ثبوت کے مجھ پر یا میرے ادارے پر انگلیاں اٹھانے لگتا ہے۔
انہوں نے مزید لکھا کہ میں نے کبھی لیاقت چٹھہ سے ملاقات یا رابطہ نہیں کیا۔ میرا اس سے کوئی تعلق نہیں، نہ سماجی اور نہ ہی کاروباری۔
ملک ریاض کا کہنا تھا کہ میں اس سلسلے میں کسی بھی تحقیقات میں تعاون کے لئے بھی تیار ہوں۔ ہر محب وطن پاکستانی کی طرح میں پاکستان میں استحکام اور خوشحالی کے لیے دعا گو ہوں.
واضح رہے کہ ملک ریاض پر الزام ہے کہ 190 ملین پاؤنڈ اسکینڈل سے بچنے کیلئے ملک ریاض نے کمشنر راولپنڈی لیاقت علی کو استعمال کیا اور پی ٹی آئی کے دورحکومت میں لیاقت چٹھہ ڈی جی پنجاب ہاؤسنگ تعینات رہے.
ملک ریاض، ان کے بیٹے کے تمام اثاثے ،جائیدادیں190 ملین پاؤنڈ ریفرنس میں منجمد
