لبنان:امریکی سفارت خانے کے باہر فائرنگ، اسلحہ بردار شخص گرفتار
لبنان فوج کے مطابق لبنانی فوجیوں نے بدھ کی صبح بیروت کے قریب امریکی سفارت خانے کے باہر فائرنگ کے تبادلے کے بعد ایک اسلحہ بردار شخص کو گولی مار کر گرفتار کر لیا.
یہ حملہ غزہ میں اسرائیل کی جاری جنگ کی وجہ سے بڑھتی ہوئی علاقائی کشیدگی کے درمیان ایک شامی شہری کی طرف سے کیا گیا.
لبنانی فوج کے مطابق فوجیوں کے ساتھ فائرنگ کے تبادلے میں زخمی ہونے والے حملہ آور کو گرفتار کر کے ہسپتال لے جایا گیا اور واقعے کی تحقیقات کا آغاز کر دیا گیا۔
اس بارے فوج نے مزید تفصیلات فراہم نہیں کیں۔ تاہم سوشل میڈیا پر گردش کرنے والی ایک تصویر میں ایک خون آلود شخص کو ایک بنیان پہنے دکھایا گیا ہے جس پر عربی میں “اسلامک اسٹیٹ” کا لیبل لگا ہوا ہے اور انگریزی میں “I” اور “S” لکھا ہوا ہے۔
نگراں وزیراعظم نجیب مکاتی کے دفتر نے ایک بیان جاری کیا جس میں کہا گیا ہے کہ انہیں وزیر دفاع اور آرمی کمانڈر نے بریفنگ دی ہے، اس بات کی تصدیق کی ہے کہ صورتحال مستحکم ہے اور سنجیدہ تحقیقات جاری ہیں۔
لبنانی فوج نے سفارتخانے اور اردگرد کے علاقوں میں فوج تعینات کردی۔
مقامی میڈیا نے بتایا کہ فائرنگ کا تبادلہ تقریباً آدھے گھنٹے تک جاری رہا جس کے دوران سفارت خانے کی سیکیورٹی ٹیم کا ایک رکن زخمی ہوا۔
سفارت خانے نے ایک بیان میں کہا بیروت کے شمالی مضافاتی علاقے اوکر میں واقع امریکی سفارت خانے نے اپنے داخلی دروازے کے قریب صبح 8:34 بجے (05:34 GMT) پر “چھوٹے ہتھیاروں سے فائر” کی اطلاع دی۔ سفارت خانے نے تصدیق کی کہ اس کا عملہ محفوظ ہے۔ سفارت خانے نے ایک بیان میں کہا، “ایل اے ایف، آئی ایس ایف، اور ہماری ایمبیسی سیکیورٹی ٹیم کے فوری ردعمل کا شکریہ، ہماری سروسز اور ہماری ٹیم محفوظ ہے۔ تحقیقات جاری ہیں، اور ہم میزبان ملک کے قانون نافذ کرنے والے اداروں کے ساتھ قریبی رابطے میں ہیں ۔
At 8:34 a.m. local time, small arms fire was reported in the vicinity of the entrance to the U.S. Embassy. Thanks to the quick reaction of the LAF, ISF, and our Embassy security team, our facility and our team are safe. Investigations are underway and we are in close contact…
— U.S. Embassy Beirut (@usembassybeirut) June 5, 2024
اکتوبر میں غزہ میں اسرائیل کی جنگ شروع ہونے کے بعد سے لبنان میں کشیدگی بہت زیادہ ہے۔ ایران سے منسلک مسلح گروپ حزب اللہ لبنان کی جنوبی سرحد پر اسرائیل کے ساتھ باہمی حملوں میں مصروف ہے۔
اکتوبر 2023 میں، غزہ کی جنگ کے ابتدائی دنوں میں مظاہرے کے لیے متعدد مظاہرین سفارت خانے کے باہر جمع ہوئے، جس کے نتیجے میں لبنانی سکیورٹی فورسز کے ساتھ جھڑپیں ہوئیں جنہوں نے ہجوم کو منتشر کرنے کے لیے آنسو گیس اور واٹر کینن کا استعمال کیا۔
