جہانگیرترین نےاستحکام پاکستان پارٹی کے چیئرمین کے عہدے سے مستعفی ہونے کا اعلان کر دیا
جہانگیرترین نے استحکام پاکستان پارٹی کے چیئرمین کے عہدے سے استعفیٰ کا اعلان کر دیا.
جہانگیر ترین نے اس حوالے سے سماجی رابطے کی ویب سائیٹ (ٹویٹر) X پر ایک پیغام میں لکھا کہ میں ان تمام لوگوں کا شکریہ ادا کرنا چاہتا ہوں جنہوں نے اس الیکشن میں میری حمایت کی اور اپنے مخالفین کو مبارکباد پیش کرنا چاہتا ہوں۔
انہوں نے کہا کہ میں پاکستانی عوام کی مرضی کا احترام کرتا ہوں۔ میں نے استحکام پاکستان پارٹی کے چیئرمین کے عہدے سے استعفیٰ دینے اور سیاست سے کنارہ کشی اختیار کرنے کا فیصلہ کیا ہے۔
جہانگیر ترین نے کہا کہ میں آئی پی پی کے تمام ممبران کا شکریہ ادا کرتا ہوں۔
انہوں نے مزید کہا کہ اللہ کے فضل و کرم سے میں ذاتی حیثیت سے اپنی صلاحیت کے مطابق اپنے ملک کی خدمت کرتا رہوں گا۔
