Wednesday, July 17, 2024
کھیلانڈیا کے کرکٹر مسلسل دوسری بار آئی۔سی۔سی مینز ٹی ٹوئینٹی انٹرنیشنل کرکٹر...

انڈیا کے کرکٹر مسلسل دوسری بار آئی۔سی۔سی مینز ٹی ٹوئینٹی انٹرنیشنل کرکٹر آف دی ایئر کے لیے نامزد

ہندوستان کے کرکٹ کھلاڑی سوریہ کمار یادیو کو مسلسل دوسری بار آئی۔سی۔سی مینز ٹی ٹوئینٹی انٹرنیشنل کرکٹر آف دی ایئر نامزد کیا گیا ہے۔ 2023 میں، سوریہ کمار یادو نے مختلف قسم کے شاٹس دکھائے، جن کی اوسط تقریباً 50 تک پہنچ گئی اور اسٹرائیک ریٹ 150 سے تجاوز کر گیا۔ سوریہ کمار ہندوستانی ٹیم کے مڈل آرڈر کی ریڑھ کی ہڈی سمجھے جاتے ہیں ۔ انہیں لگا تار دوسرے سال آئی۔سی۔سی مینز ٹی ٹوئینٹی انٹرنیشنل کرکٹر آف دی ایئر نامزد کیا گیا ہے ۔
انہوں نے 2023 میں ٹی ٹوئینٹی انٹرنیشنل کی 17 اننگز میں 48.86 کی اوسط سے 733 رنز بنائے جبکہ ان کا اسٹرائیک ریٹ 155.95ہے۔ انہوں نے 2022 میں بھی یہ اعزاز اپنے نام کیا تھا۔
سوریہ نے اگرچہ سری لنکا کے خلاف پہلی اننگز میں صرف سات کے کم سکور کے ساتھ سال کا آغاز کیا، لیکن یہ ان کی مجموعی کارکردگی میں رکاوٹ نہیں بنا۔ وہ تیزی سے دوبارہ اپنی فارم میں واپس آئے ، اور اگلے دو میچوں میں 51 گیندوں پر ناقابل شکست 112رنز بنائے۔ پورے سال میں، اس نے مسلسل 20 سے 40 کی رینج میں اسکور کیا۔
ان کی شاندار کارکردگی میں سے ایک پروویڈنس میں ویسٹ انڈیز کے خلاف 44 گیندوں میں 83 رنز اسکور کرنا تھا، جس نے ان کی کرکٹ کی مہارت کا مظاہرہ کیا۔ انہوں نے فلوریڈا میں 45 گیندوں پر 61 رنز بنا کر ویسٹ انڈیز کے خلاف مضبوط اننگز کے ساتھ سیریز کا اختتام کیا۔ سوریہ کمار نے آسٹریلیا میں (42 گیندوں پر 80) اور جنوبی افریقہ کے خلاف (36 گیندوں پر 56) نصف سنچریاں بنائیں، اس سے پہلے جوہانسبرگ میں سال کے آخری ٹی ٹوئینٹی انٹر نیشنل میں پروٹیز کے خلاف صرف 56 گیندوں پر 100 رنز بنائے۔

دیگر خبریں

Trending

Kylian Mbappe Says Dream Has Come True At Real Madrid Unveiling

کلیان ایمباپے باقاعدہ طور ریال میڈرڈ کا حصہ بن گئے

0
اردو انٹرنیشنل اسپورٹس ویب ڈیسک تفصیلات کے مطابق فرانس کے اسٹار فٹبالر امباپے باقاعدہ طور پر معروف ہسپانوی فٹبال کلب ریال میڈرڈ کا...