بھارتی ریاست تامل ناڈو میں زہریلی شراب پینے سے 34 افراد ہلاک
اردو انٹرنیشنل (مانیٹرنگ ڈیسک) بھارتی ریاست تامل ناڈو میں زہریلی شراب پینے سے 34 افراد ہلاک ہوگئے۔
بھارتی میڈیا کی رپورٹ کےمطابق اسپتال انتظامیہ کا کہنا ہے کہ زہریلی شراب پینے والے 60 سے زیادہ افراد کا اسپتال میں علاج جاری ہے جن میں سے 10 کی حالت تشویشناک ہے۔
غیر ملکی خبررساں ادارے ’اے ایف پی‘ کے مطابق بھارتی نیوز ایجنسی پریس ٹرسٹ آف انڈیا نے وزیراعلیٰ ایم کے اسٹالن نے بتایا کہ مقامی طور پر تیار کردہ آرک مشروب میں زہریلا میتھانول ملا ہوا تھا۔
وزیراعلیٰ کے دفتر سے جاری بیان کے مطابق ایم کے اسٹالن نے کہا کہ گرفتاریاں عمل میں لائی گئی ہیں، انہوں نے خبردار کیا کہ ایسے جرائم معاشرے کو برباد کرتے ہیں، آہنی ہاتھوں سے نمٹا جائے گا۔
بھارت میں ہر سال سیکڑوں افراد سستی شراب پینے سے مر جاتے ہیں۔
طاقت بڑھانے کے لیے اکثر شراب میں میتھانول ملایا جاتا ہے، جو اندھے پن، جگر کو نقصان اور موت کا سبب بن سکتا ہے۔
ریاست کالاکورچی ضلع کے ایک اعلیٰ سرکاری حکام ایم ایس پرسانتھ نے بتایا کہ 100 سے زیادہ افراد کو ہسپتال میں داخل کیا گیا۔
