عمران خان کو موجودہ صورت حال میں رہا نہیں کیا جائے گا، شیخ رشید
اردو انٹرنیشنل ( مانیٹرنگ ڈیسک) سابق وفاقی وزیر داخلہ شیخ رشید احمد کا کہنا ہے کہ کوئی بیوقوف ہی سمجھتا ہوگا کہ بانی پی ٹی آئی رہا ہوجائیں گے۔
راولپنڈی میں اڈیالہ جیل کے باہر میڈیا سے گفتگو کرتے ہوئے عوامی مسلم لیگ کے سربراہ اور سابق وفاقی وزیر شیخ رشید کا کہنا تھا کہ عمران خان کو موجودہ صورت حال میں رہا نہیں کیا جائے گا۔
انہوں نے کہاکہ پاکستان میں بھی کینیا والے حالات پیدا ہورہے ہیں، یہاں بھی وہی فلم دہرائی جاسکتی ہے۔ تیس اگست سے پہلے قوم حساب لے گی۔ قوم کسی لیڈرکا انتظار نہیں کرے گی ہرطرف بھوک ہی بھوک ہے۔
