دورانِ عدت نکاح کیس میں عمران خان اور اُن کی اہلیہ بشریٰ بی بی کو 7 ,7 سال قید کی سزا
اردو انٹرنیشنل ( مانیٹرنگ ڈیسک ) اسلام آباد عدالت کے سئنیر جج قدرت اللہ نے عمران خان اور اُن کی اہلیہ کے غیر شرعی نکاح کیس کا فیصلہ گزشتہ روز 14 گھنٹے طویل سماعت کے بعد مخفوظ کر لیا تھا.
تفصیلات کے مطابق اسلام آباد عدالت کے سینئر جج قدرت اللہ نے عمران خان اور اُن کی اہلیہ پر غیر شرعی نکاح کیس میں 7,7 سال قید کی سزا جبکہ 5,5 لاکھ جرمانہ بھی عائد کر دیا ہے.
غیر شرعی نکاح کیس پر فیصلہ بشریٰ بی بی کے سابقہ شوہر خاور مانیکا کے درخواست پر گزشتہ روز اڈیالہ جیل میں مخفوظ کیا گیا تھا جو آج کے دن سنایا گیا.
یاد رہے کہ بشریٰ بی بی کے سابقہ شوہر خاور مانیکا نے 25 نومبر 2023 کو اسلام آباد عدالت سے رجوع کر کے عمرن خان اور اُن کی اہلیہ بشریٰ بی بی کے خلاف عدت کے دوران نکاح کا کیس دائر کیا تھا.
درخواست میں بتایا گیا تھا کہ جب دورانِ عدت نکاح کا معاملہ سامنے آیا تو عمران خان اور اُن کی اہلیہ نے فروری 2018 میں دوبارہ نکاح کیا.
خاور مانیکا نے عدالت سے درخواست کی تھی کہ بشریٰ بی بی اور عمران خان کو طلب کر کے سخت سے سخت سزا دی جائے.
اسلام آباد عدالت کے نے اپنا فیصلہ گزشتہ روز ( 2 فروری) کو مخفوظ کر لیا تھا جس میں آج 3 فروی کو عمران خان اور اُن کی اہلیہ کو 7,7 سال قید کے ساتھ 5,5 لاکھ روپے بطورِ جرمانہ ادا کرنے کا بھی حکم دیا گیا ہے
