ICC Test Rankings: Babar remains third, Williamson remains on top
آئی سی سی ٹیسٹ رینکنگ: بابر تیسرے نمبر پر برقرار، ولیمسن بدستور ٹاپ پر ہیں
اردو انٹرنیشنل (اسپورٹس ڈیسک )تفصیلات کے مطابق پاکستان کے مایہ ناز بلے باز بابر اعظم نے آئی سی سی کی تازہ ترین ٹیسٹ بلے باز رینکنگ میں تیسری پوزیشن برقرار رکھی ہے۔
آئی سی سی کی جاری کردہ تازہ ترین رینکنگ کے مطابق نیوزی لینڈ کے کین ولیمسن پہلے اور انگلینڈ کے جو روٹ دوسرے نمبر پر ہیں انگلینڈ کے نوجوان گن ہیری بروک 3 درجے ترقی کے ساتھ 7ویں نمبر پر آگئے اور انگلینڈ کے زیک کرولی بھی 3 درجے بہتری کے ساتھ 13 ویں نمبر پر آگئے۔
ٹیسٹ گیند بازوں میں بھارت کے روی چندرن اشون اس فہرست میں سرفہرست ہیں جیمز اینڈرسن نے اپنے ٹیسٹ کیریئر کا اختتام باؤلنگ میں 8ویں پوزیشن پر کیا جب کہ شاہین آفریدی ٹیسٹ بولنگ رینکنگ میں 9ویں نمبر پر ہیں ہندوستان کے رویندرا جدیجا بہترین ٹیسٹ آل راؤنڈر کے طور پر اپنی پوزیشن برقرار رکھے ہوئے ہیں۔
