حماس رہنما اسماعیل ہنیہ کی ایرانی سپریم لیڈر آیت اللہ خامنہ ای سے ملاقات
اردو انٹرنیشنل (مانیٹرنگ ڈیسک) ایران میں موجود حماس کے رہنما اسماعیل ہنیہ نے بدھ کو ایرانی سپریم لیڈر آیت اللہ سید علی خامنہ ای سے تہران میں ملاقات کی۔
خبر ایجنسی کے مطابق حماس کے سربراہ اسماعیل ہنیہ نے سپریم لیڈر آیت اللہ سید علی خامنہ ای سے ایرانی صدر ابراہیم رئیسی، وزیر خارجہ امیر عبداللہیان اور دیگر کی وفات پر تعزیت کا اظہار کیا۔
خبر ایجنسی کے مطابق اسماعیل ہنیہ نے ایرانی صدر ابرہیم رئیسی کی نماز جنازہ میں بھی شرکت کی۔
حماس کے سربراہ اسماعیل ہنیہ بدھ کے روز ایرانی صدر ابراہیم رئیسی کی آخری رسومات میں شرکت کے لیے تہران پہنچے تھے، جب بین الاقوامی فوجداری عدالت نے جنگی جرائم کے الزام میں ان کی گرفتاری کا اعلان کیا تھا۔
اعلیٰ فوجی قیادت، اسلامی انقلابی گارڈ کور کے رہنما اور علاقائی عسکریت پسند گروپوں کے نمائندے بھی دارالحکومت تہران میں موجود تھے.
پیر کو انٹرنیشنل کریمنل کورٹ آئی سی سی کے اعلان کے بعد اسماعیل ہنیہ نے پہلے عوامی اجتماع میں شرکت کی ہے۔
انہوں نے تہران یونیورسٹی میں سوگواروں سے کہا کہ “میں فلسطینی عوام کے نام، غزہ کے مزاحمتی گروپوں کی جانب سے تعزیت کرنے آیا ہوں۔”
انہوں نے رمضان المبارک کے دوران صدررئیسی سے ملاقات کو یاد کرتے ہوئے فلسطینی کاز کی حمایت کے مطالبات کو دہرایا اور کہا کہ مسلم دنیا کو اپنی ذمہ داریاں پوری کرنی چاہئیں۔
