غزہ: تازہ ترین اسرائیلی حملے میں نوصیرات میں 4، خان یونس میں 2 افراد شہید
اردو انٹرنیشنل (مانیٹرنگ ڈیسک) وفا نیوز ایجنسی کی رپورٹ کے مطابق اسرائیلی فوج نے وسطی غزہ میں نصیرات پناہ گزین کیمپ کے شمال میں صلاح الدین اسٹریٹ پر ایک گھر پر بمباری کی، جس میں 4افراد شہید ہوگئے۔
قبل ازیں، الجزیرہ نے اطلاع دی تھی کہ نصیرات میں ایک گھر پر اسرائیلی فوج کے ایک اور حملے میں 6 بچوں سمیت 8 افراد شہید ہوئے۔
وفا کی رپورٹ کے مطابق، خان یونس کے مشرق میں واقع قصبے بنی سہیلہ میں ایک گھر پر اسرائیلی حملے کے نتیجے میں 2 افراد شہید اور 6 زخمی ہوئے ہیں۔