سابق وزیراعظم شاہد خاقان عباسی کا نئی سیاسی جماعت بنانے کا اعلان
اردو انٹرنیشنل(مانیٹرنگ ڈیسک) تفصیلات کے مطابق سابق وزیراعظم شاہد خاقان عباسی نے نئی سیاسی جماعت بنانے کا اعلان کیا ہے.
میڈیا سے گفتگو کرتے ہوئے شاہد خاقان عباسی کا کہنا تھا سیاسی جماعتیں ملکی مسائل پر بات نہیں کر رہیں، موجودہ انتخابی مہم میں بھی پاکستان کے مسائل پر کوئی بات نہیں کی گئی, ہم سب کو ایک دوسرے کو کرپٹ کہنا چھوڑ کر ملکی ترقی کے حوالے سے سوچنا ہو گا۔
انہوں نے کہا ‘نئی سیاسی جماعت اسلئیے بنا رہے ہیں کیونکہ عوام کے مسائل کے حل کیلئے کوئی بات نہیں ہو رہی’.
انہوں نے کہا کہ 8 فروری (2024) کا الیکشن اتنا متنازع بن گیا ہے کہ ملک کو نقصان پہنچائے گا، جب لوگوں کا سسٹم سے اعتماد اٹھ جائے تو نقصان ہی ہوتا ہے۔
شاہد خاقان عباسی کا کہنا تھا الیکشن کا یہ حال ہے کہ جیتنے والے بھی آج ہار گئے ہیں، حل صرف یہی ہے کہ تمام اسٹیک ہولڈرز مل کر بیٹھیں گے تو ملک آگے بڑھے گا ورنہ نقصان ہوگا۔
