اردوانٹرنیشنل (اسپورٹس ڈیسک) تفصیلات کے مطابق پاکستان کے بائیں ہاتھ کے اوپنر فخر زمان نے آئندہ آل فارمیٹ دورہ جنوبی افریقہ کے لیے قومی اسکواڈ سے باہر ہونے کے بعد اپنی فٹنس سے متعلق دعووں کو مسترد کر دیا ہے۔
فی الحال جاری چیمپئنز ٹی ٹوئنٹی کپ میں مارخورز کی نمائندگی کرتے ہوئے فخر زمان نے لائنز کے خلاف اپنی ٹیم کے افتتاحی میچ کے موقع پر ایک انٹرویو کے دوران قیاس آرائیوں کا ازالہ کیا۔
تجربہ کار بلے باز نے موقع ملنے پر قومی ٹیم میں واپسی کے لیے اپنی تیاری کی تصدیق کی۔
فخر زمان نے کہا کہ میں فٹ ہوں، اور اسی لیے میں کھیل رہا ہوں اگر موقع ملا تو کھیلوں گا میں نے اپنے کیریئر کا آغاز چیمپیئنز ٹرافی سے کیا، اور میں شکر گزار ہوں کہ میری پرفارمنس نے ہمیں وہاں میچ جیتنے میں مدد کی اس چیمپئنز ٹرافی میں میری توجہ ایک ہی ہے، اچھا کھیلو اور کھیل جیتو، “۔
حال ہی میں ختم ہونے والے آسٹریلیا اور زمبابوے کے دوروں کے لیے پاکستان کے اسکواڈ میں فخر کی غیر موجودگی نے پہلے ہی بحث چھیڑ دی تھی۔
