مذہب کی خاطر فلم اندسٹری کو چھوڑنے والی سابق معروف بھارتی اداکارہ ثنا خان نے مولانا طارق جمیل کے بیٹے کی ناگہانی موت پر اپنے گہرے دکھ کا اظہار کیا ہے.
ثنا خان نے سماجی رابطے کی ویب سائیٹ انسٹاگرام سٹوری میں مولانا طارق جمیل کا ٹویٹ شیئر کرتے ہوئےلکھا کہ مولانا طارق جمیل کے چھوٹے بیٹے عاصم جمیل شہید ہوگئے.
انہوں نے سب سے مرحوم کے لئے دعا کی بھی درخواست کی جبکہ مولانا طارق جمیل سے تعزیت کرتے ہوئے لکھا کہ اللہ تعالی مولانا صاحب کو صبر عطا فرمائے.
مزید اپنی دوسری انسٹاگرام سٹوری میں ثنا خان نے مولانا طارق جمیل کے بڑے بیٹے یوسف جمیل کی ویڈیو شیئر کی جس میں انہوں نے اپنے بھائی کی خودکشی کی تصدیق کی اور بتایا کہ انکے بھائی کی ذہنی حالت ٹھیک نہیں تھی.
مولانا طارق جمیل کے بڑے بیٹے کا ویڈیو بیان پوسٹ کرتے ہوئے ثنا خان نےلکھا کہ “عاصم جمیل کافی عرصے سے ذہنی طور پر تندرست نہیں تھے، اُن کی دماغی حالت نے اُنہیں یہ سخت قدم اُٹھانے پر مجبور کیا”۔
ثنا خان نے لکھا کہ “اس بات پر غور کریں کہ وہ ذہنی طور پر تندرست نہیں تھے”۔
